Shkupi kishte një thesar në pronësi të tij dhe në fund arriti ta përdorë në mënyrën e duhur e të nxjerrë të ardhura të bollshme nga shitja e tij. Dembo Darboe nga dita e sotme është pjesë e skuadrës së Shakhtjor Soligorsk.
Shkupi dhe klubi bjellorus kanë gjetur dakordësinë nën ndërmjetësimin e menaxherit Florin Biba dhe 22-vjeçari arrin të bëjë një hap mjaft cilësor në karrierë, duke firmosur një kontratë ndjeshëm më të pasur për një nga skuadrat më të mira në Bjellorusi.
Shkupi nga shitja e Darboe përfiton thuajse 1 milionë dollarë, duke marrë një dorë të mirë parash, që e ndihmojnë shumë në krizën, që ka kapluar klubin prej pandemisë.
Sulmuesi nga Gambia ishte një nga më të mirët në Maqedoni. Vetëm në këtë sezon ai shënoi plot 16 gola në 18 ndeshje me Shkupin, duke e ndihmuar të renditet i dyti, direkt pas Shkëndijës. /abcnews.al
