OKB, thirrje palestinezëve dhe Izraelit që të mos përshkallëzojnë tensionet në Bregun Perëndimor

Këshilli i Sigurimi i OKB-së i bëri thirrje Izraelit dhe palestinezëve që të shmangnin veprimet që mund të nxisin më tej tensionet në Bregun Perëndimor të paqëndrueshëm.

Apeli u mbështet nga SHBA dhe Rusia në një akt të rrallë marrëveshjeje mbi çështjen përçarëse, duke reflektuar shqetësimin e përhapur ndërkombëtar për përshkallëzimin e dhunës.

Apeli erdhi pasi i dërguari i OKB-së për Lindjen e Mesme, Tor Venesland, paralajmëroi për një “rritje alarmante të dhunës” në Bregun Perëndimor dhe një numër të madh viktimash midis palestinezëve dhe izraelitëve.

Ai paralajmëroi se ekziston një rrezik i madh që situata mund të përkeqësohet më tej nëse nuk ndërmerren hapa vendimtarë menjëherë për të frenuar dhunën.

Vensland tha se ai ishte veçanërisht i alarmuar nga “niveli ekstrem i dhunës midis kolonëve hebrenj”, duke përfshirë një numër të madh kolonësh që janë të armatosur, që sulmojnë sistematikisht fshatrat palestineze dhe terrorizojnë komunitetet palestineze, ndonjëherë me mbështetjen e forcave izraelite./abcnews.al