Më shumë se gjysma e tokës bujqësore të Gazës është degraduar nga konflikti, tregojnë imazhet satelitore të analizuara nga Kombet e Bashkuara.
Të dhënat tregojnë një rritje të shkatërrimit të pemishteve, kulturave bujqësore dhe perimeve në enklavën palestineze, shkruan Sky News.
Duke përdorur imazhe satelitore të marra midis majit 2017 dhe 2024, Qendra Satelitore e Kombeve të Bashkuara (UNOSAT) dhe Organizata e OKB-së për Ushqimin dhe Bujqësinë (FAO) zbuluan se 57% e fushave të përhershme bujqësore dhe tokave të punueshme thelbësore për sigurinë ushqimore kishin treguar një rënie të ndjeshme të densitetit.
“Në maj 2024, shëndeti dhe dendësia e të korrave në të gjithë Rripin e Gazës treguan një rënie të dukshme në krahasim me mesataren e shtatë sezoneve të mëparshme,” tha UNOSAT të enjten.
Kjo vjen pasi Organizata Botërore e Shëndetësisë (OBSH) paralajmëroi të mërkurën se një pjesë e konsiderueshme e popullsisë së Gazës po përballet tani me “uri katastrofike dhe kushte të ngjashme me urinë”./abcnews.al
