Pothuajse 1.9 milionë njerëz, më shumë se 80% e popullsisë totale të Gazës, tani janë zhvendosur që nga fillimi i luftës midis Hamasit dhe Izraelit. Kështu u shpreh të hënën Agjencia e Kombeve të Bashkuara për Refugjatët Palestinez (UNRWA), shkruan CNN.
Afro 1.2 milion njerëz të zhvendosur brenda vendit (PZHBV) ishin strehuar në 156 objekte të UNRWA-s në të gjithë Rripin e Gazës. Një shumicë e madhe, pothuajse një milion njerëz, janë strehuar në objekte në Gaza qendrore dhe jugore, në vende duke përfshirë Khan Younis dhe Rafah.
“Numri mesatar i të zhvendosurve në strehimoret e UNRWA-s është 10,326, më shumë se katërfishi i kapacitetit të tyre”, tha UNRWA.
Thomas White, drejtor i çështjeve të UNRWA-së në Gaza, deklaroi se “një tjetër valë zhvendosjeje” po ndodh dhe situata humanitare po përkeqësohet ndërsa Forcat e Mbrojtjes së Izraelit shtojnë operacionet në Gazën jugore, duke përfshirë Rafah./abcnews.al
