Loading ...
Operacioni Forca e Ligjit i dërgoi sot kërkesën për të deklaruar pasurinë Ervis Martinajt një personazh i njohur për drejtësinë, nën hetim për përplasjen me armë në Bllok.
Avokati i tij, Mirash Martini në një prononcim për Abc News ka deklaruar se Martinaj nuk është subjekti i aktit normativ “Anti-KCK”, pasi në nenin 5 të këtij ligji janë të përcaktuara se kush janë subjektet.
Sipas avokatit, Ervis Martinaj nuk është hetuar dhe as i dënuar për veprat penale, ku parashikohet sekuestrimi i pasurisë.
Gjithsesi, ai tha se klienti i tij do ti përgjigjet policisë dhe do të deklarojë pasurinë.
“Jemi në dispozicion për çdo pyetje të OFL në lidhje me pasurinë”, u shpreh ai për abcnews.al.
