Pas daljes në pension të argjentinasit Gonzalo Higuaín , pronari i Inter Miami, David Beckham , filloi të kërkojë yllin e tij të ri për të udhëhequr ekipin e tij drejt fitimit të titullit MLS .
Sipas gazetarit Pedro Almeida , figura që kërkon idhulli i Manchester United nuk është asgjë më shumë dhe asgjë më pak se ylli portugez Cristiano Ronaldo , i cili do të kërkonte të largohej nga Djajtë e Kuq gjatë merkatos së dimrit.
Megjithatë, dëshira e Beckham mund të marrë disa vite për t’u realizuar, pasi tani për tani Cristiano Ronaldo dëshiron të vazhdojë karrierën e tij në Evropë. Flitet se gjatë merkatos së dimrit ai do të tentojë të gjejë vend në një ekip që konteston Champions League.
Gjithashtu, ka zëra se Chelsea si disa skuadra në Arabinë Saudite duan CR7 në radhët e tyre, gjë që do ta komplikonte ardhjen e tij në MLS, për momentin.
Për momentin, David Beckham do të duhet të kërkojë figurën e tij për Inter Miami në një tjetër futbollist, pasi Cristiano Ronaldo nuk ka ndërmend të arrijë në MLS për momentin. /f.a/abcnews.al
