Rusia ka mobilizuar 18,000 ushtarë shtesë mbi objektivin e saj prej 300,000 për të luftuar në Ukrainë nga popullsia e përgjithshme e meshkujve, tha të premten Presidenti Vladmir Putin.
Që nga lëshimi i një dekreti afër fundit të shtatorit për të forcuar forcat e Moskës, 318,000 burra janë mobilizuar në Rusi dhe 49,000 prej tyre janë tashmë në zonën e luftës, sipas Putinit.
Ai vlerësoi po ashtu një “fluks vullnetarësh” që u ngritën për të luftuar.
“Ne kemi tashmë 318,000. Pse 318,000? Sepse vullnetarët po vijnë. Numri i vullnetarëve nuk po zvogëlohet,” u tha Putin gazetarëve dhe vullnetarëve jashtë mureve të Kremlinit.
Javën e kaluar, ministri i Mbrojtjes Sergei Shoigu i raportoi Putinit se qëllimi i mobilizimit prej 300,000 rekrutësh është arritur dhe se drafti i mobilizimit ka përfunduar. /abcnews.al/
