Shtatë nxënës të shkollës së mesme të përgjithshme, “Vasil Kamami” ne Elbasan kanë mbetur të lënduar pasi janë sulmuar me bombul zjarrfikëseje nga një bashkëmoshatar i tyre. Gjithçka ka ndodhur pas një sherri banal, mesditën e sotme.
Mësohet se nxënësi ka marrë bombulën dhe pasi ka shtypur siguresën ia ka drejtuar shokëve të cilët kanë pësuar dëmtime për shkak të kimikateve të saj. 7 nxënësit janë larguar në shtëpi pasi kanë marrë ndihmën mjekësore.
Menjëherë ka reaguar edhe drejtoria e shkollës dhe DAR Elbasan, të cilët bëjnë me dije se ndaj nxënësit në fjalë do të merret masë deri në përjashtim nga shkolla./ABC News Albania 24/7
