Shqipëria renditet ndër shtetet me prevalencë të lartë të genit që shkakon talaseminë, sëmundjen e gjakut që lind me individin dhe e shoqëron atë gjatë të gjithë jetës.
Por me rënien e lindjeve dhe ndërgjegjësimin e popullatës mjekët thonë se ka rënë dhe numri I pacientëve të rinj.
“Rastet e reja janë në ulje. Kjo vjen si pasojë e emigracionit, uljes së lindshmërisë, por dhe politikave të parandalimit. Individët sot janë ndërgjegjësur për defektin që kanë trashëguar nga prindërit dhe duke e ditur parandalojnë lidhjen në martesë të dy individëve bartës ose parandalojnë lindjen e fëmijës kur nëna është shtatëzënë.”
Aktualisht rreth 200 persona me talasemi major, pjesa më e madhe mbi 18 vjeç, për të jetuar normalisht kanë nevojë për transfuzion gjaku, trajtim që nevojitet çdo dy deri në katër javë.
Në ditën botërore të talasemisë e njëkohësisht të Kryqit të Kuq dhe Gjysmëhënës së Kuqe mjekë dhe përfaqësues të kësaj organizate i bëjnë thirrje qytetarëve për të dhuruar gjak.
“Vijnë duke u rritur dhe kanë nevoja më të mëdha gjaku në mënyrë që shpeshtësia e marrjes të jetë jo çdo një javë, por çdo 14 ditë ..
Një individ falë këtyre dy shtyllave, transfuzionit dhe terapive orale që largojnë hekurin e akumuluar ju siguron një jetë të shëndetshme.”
“Sensibilizimi është rritur, por nevojat rriten në të njejtën kohë… kur skanë informacionin e duhur mendojnë se mund tju bëjë keq ndërkohë që është e kundërta, por dhe perceptimi si akt vullnetar, shqiptarët nuk kanë patur marrëdhënien dhe aq të mirë me vullnetarizimin se ka qenë më shumë një detyrë jo akt i marrë me ndërgjegje.”
Akualisht në Shqipëri vetëm 25% e nevojave për gjak plotësohen nga dhurimet vullnetare, 75% e gjakut dhurohet nga familjarë të atyre që I nënshtrohen ndërhyrjeve kirurgjikale. Ndërkohë ndër dhuruesit vullentarë të gjakut të parët renditën studentët, pas tyre moshat nga 40 në 55 vjeç. /abcnews.al
