Një ngjarje e pazakonte është regjistruar në lagjen 5 maji në Elbasan, 100 metra larg Gjykatës së Re Elbasan.
Sipas burimeve një grua e moshuar e quajtur, Kadrije Arapi 70 vjeçe, e cila jetonte e vetme ka humbur jetën.
Mendohet që gruaja kishte disa ditë e pafuqishme dhe nuk i është përgjigjur telefonatave të të birit.
Pasi nuk është përgjigjur në telefon, djali ka shkuar tek shtëpia e nënës, ku sërish nuk është përgjigjur dhe nuk i është hapur dera.
Në vendngjarje ka shkuar policia, ambulanca dhe zjarrfikësja.
Ende nuk është e qartë çfarë ka ndodhur, për të moshuarën që jetonte në katin e pestë.
Në bisedë me fqinjët mësohet se e moshuara kishte qenë e pafuqishme dhe ka hamendësime për koronavirus.
Banesa e të ndjerës është 100 metra larg lokalit pranë gjykatës së re Elbasan që u quajt nga Drejtoria e Shëndetit publik “Vatra e nxehtë e Koronavirusit” në Elbasan./abcnews.al
