Kripa është shumë një ndër përbërësit më të dobishëm në gatim. Por përveç gatimit, ky përbërës shërben për një sërë përdorimesh të ndryshme. Shihni më poshtë disa truke efektive, për të cilat do të na falenderoni më vonë.
Mban larg milingonat
Për të hequr milingonat nga shtëpia juaj, domethënë për t’i mbajtur larg dollapëve të ushqimit ose dritareve, sigurohuni që të vendosni pak kripë në kornizën e dritares ose në çdo sipërfaqe tjetër. Kur përdorni kripën në këtë mënyrë, do të ulni nivelin e lagështisë.
Pastron xhamat
Për të pastruar dritaret dhe për të hequr qafe njollat e forta nga xhami, duhet të përzieni 1-2 lugë kripë në katër litra ujë të ngrohtë. Përdoreni këtë përzierje për të pastruar xhamat, si në shtëpi ashtu edhe në makinë. Pas kësaj, dritaret tuaja do të qëndrojnë të pastra për një kohë të gjatë.
Pastron lavamanin
Përzieni kripën dhe ujin e ngrohtë dhe hidhni përzierjen në lavaman. Kripa do të shkrijë depozitat e yndyrës që bllokojnë lavamanin dhe krijojnë një erë të pakëndshme.
Rifreskon ngjyrën e tekstileve të shtëpisë tuaj
Ju gjithashtu mund të përdorni kripë për të rivendosur intensitetin dhe shkëlqimin origjinal të ngjyrës së perdeve dhe tapeteve pas vetëm një larjeje. E tëra çfarë ju duhet të bëni është të njomni një leckë në ujë të kripur të koncentruar dhe më pas të pastroni me të perdet dhe qilimat. Në këtë mënyrë do të pastroni njollat që janë pothuajse të pamundura për t’u hequr me detergjentët e blerë.
Parandalon ngushtimin e veshjeve
Për të parandaluar tkurrjen e rrobave gjatë larjes, duhet të vendosni pak kripë në lavatriçe. Nëse i thani rrobat jashtë në diell, kjo është një metodë jashtëzakonisht efektive. /abcnews.al
