“Nuk më fshihesh dot”, Agron Tufa paralajmëron Brahon pas pushimit të çështjes: Së shpejti padi më të rënda

schedule16:22 - 25 Dhjetor, 2019

schedule 16:22 - 25 Dhjetor, 2019

Një ditë pas vendimit të Gjykatës së Tiranës për të pushuar çështjen penale ndaj deputetit  të PS, Spartak Braho ka reaguar ashpër ish-Drejtori ekzekutiv i Institutit për Studimin e Krimeve dhe pasojave të Komunizmit në Shqipëri (ISKPK), Agron Tufa.

Përmes një mesazhi në “Facebook”, Tufa paralajmëron se së shpejti do të depozitojë një sërë padish të reja edhe më të renda.

Le të ngazëllejë për pak gazeta “Transheja e kuqe”, organ i ish-Sigurimit, veglave të tij dhe qenefeve komuniste-enveriste për pushimin e padisë ndaj Braho & co, me shkak procedurat. Së shpejti do të ketë depozitim për një sërë padish të reja edhe më të rënda, në shkallë të gjerë.

Mos t’i rrejë mendja për tërheqje! Jam qytetar dhe do të respektoj ligjet, derisa të bëhet funksional shteti ligjor. Nuk do të mund të më fshihen dot në të drejtën time të ligjshme para drejtësisë!”, shkruan Tufa./abcnews.al