Talenti i ri holandez Mohamed Ihattaren u arrestua në Amsterdam nga policia të dielën dhe shtëpia e tij në Vleuten u kontrollua, raporton NOS. Ish-lojtari i PSV dhe Ajax po merret në pyetje dhe mbetet në paraburgim. Ngjarja nuk lidhet me arrestimin e tij të mëparshëm për kërcënime (në nëntor) kur dhe ju dogj makina.
Për momentin ai është pa ekip pas shkëputjes së huazimit te Ajax nga Juventus.
Ihattaren u shfaq si një talent i madh te PSV, ku la përshtypje me lojën e tij teknike dhe krijuese.
Pas problemeve me trajnerin Roger Schmidt, Ihattaren u largua për te Juventus, me këta të fundit që e huazuan te Sampdoria. Ihattaren përfundoi jashtë fushës në Itali dhe u huazua te Ajax nga Juventusi. Ai pati një përparim të shkëlqyer verën e kaluar, por më pas mesfushori u zhduk nga stërvitjet, shkruan abcnews.al.
Historia e problemeve të Ihattaren është e gjatë. Për shkak të kërcënimeve të supozuara nga grupet kriminale, Ihattaren nuk ishte në gjendje të shkonte në stërvitje me Ajax për disa kohë. Përveç kësaj, një nga makinat e tij dhe një tjetër e vëllait të tij janë djegur.
Ajax njoftoi menjëherë pas se Ihattaren nuk do të jetë pjesë e ekipit. Pas largimit të tij nga Ajax, Wesley Sneijder, ndër të tjera, u përpoq ta ndihmonte atë në karrierën e tij profesionale, por ish-lojtari e ndërpreu atë bashkëpunim sepse Ihattaren nuk mundi të përqendrohej plotësisht në futboll.
Pas problemeve të shumta në jetën personale, ai me sa duket është larguar përfundimisht nga futbolli./G.D abcnews.al/
