Microsoft ka njoftuar se të gjithë përdoruesit e Windows mund të heqin të gjithë fjalëkalimet nga llogaritë e tyre. Kompania amerikane lejoi në Mars vetëm përdoruesit e biznesit të saj të përdorin llogari pa fjalëkalim, një sistem që tani do të bëhet më i disponueshëm për të gjithë.
Kjo do të thotë që përdoruesit do të jenë në gjendje të regjistrohen në shërbime, si Outlook dhe OneDrive, pa pasur nevojë të përdorin një fjalëkalim. Njerëzit do të jenë në gjendje të regjistrohen në mënyrë të sigurt me aplikacionin Microsoft Authenticator, Windows Hello, një çelës sigurie, SMS ose kode me email, shkruan abcnews.al.
Me disa përjashtime (Office 2010, Xbox dhe Windows 8.1 ose sistemet e mëparshme operative) do t’ju duhet akoma një fjalëkalim. Gjigandi i teknologjisë i bëri llogaritë pa fjalëkalim të disponueshme për përdoruesit e biznesit të tij në Mars. Sipas kompanisë, pothuajse 100 përqind e punonjësve të saj tashmë përdorin sistemin e ri më të sigurt. /abcnews.al
