Jens Petter Hauge, pas një paraqitje të shkëlqyer dhe një eurogoli në “San Siro”, i ka bindur kuqezinjtë ta transferojnë menjëherë në skuadrën e tyre. Brenda pak ditësh bisedimet u konkretizuan dhe sulmuesi anësor ka nënshkruar për 5 vite, ndërkohë që Milani ka paguar 5 milion euro për kartonin e tij.
Official Statement: Jens Petter Hauge ➡️ https://t.co/gb3HSkfkXU
Comunicato Ufficiale: Jens Petter Hauge ➡️ https://t.co/tmyKxGJuSM#ReadyToUnleash #SempreMilan pic.twitter.com/kOD4zL67wr
— AC Milan (@acmilan) October 1, 2020
Dje ai kreu vizitat mjekësore dhe sot ka nënshkruar dhe është zyrtarizuar nga klubi italian: “Milani është i kënaqur të njoftojë nënshkrimin e kontratës me Jens Petter Hauge nga Bodo/Glimt me një marrëveshje përfundimtare.
Sulmuesi norvegjez ka nënshkruar një kontratë deri më 30 qershor të vitit 2025. I lindur në Bodo (Norvegji) më 12 tetor të vitit 1999, Hauge u formua tek të rinjtë e Bodo/Glimt para se të debutonte me ekipin e parë në vitin 2016.
Në vitin 2018, pas 67 paraqitjeve dhe 9 golave me ekipin e qytetit të tij, ai u huazua te skuadra e Aalesund për një sezon, para se të kthehej te Bodo/Glimt, ku ka shënuar 26 gola në 51 ndeshje gjatë dy sezoneve të fundit. Sulmuesi do të veshë fanellën me numër 15”.
