Maurizio Arrivabene ka vulosur të ardhmen e Paulo Dybala. Drejtori ekzekutiv i Juventusit ka folur hapur dhe është shprehur se argjentinasi nuk është më në qendër të projektit.
“Ndryshimi më i rëndësishëm është fakti se Juventusi nuk ka rinovuar kontratën e Paulo Dybala. Me merkaton që kemi bërë, me afrimin e Vlahovic, pozicioni i Paulos nuk ishte më në qendër të projektit. Kjo është arsyeja pse ne preferuam të merrnim këtë lloj vendimi”.
“Kishte disa çështje që duhet të merreshin në konsideratë për prezencat, gjatësinë e kontratës dhe karakterin ekonomik. Unë kisha folur tashmë me të, askush nuk e ka vënë kurrë në dyshim se çfarë është i zoti të bëjë Paulo.
Zgjedhjet që kemi bërë në janar na kanë sjellë në këtë pikë. Nga ana e Juventusit do të ishte e lehtë të bënte një ofertë më të ulët, por do të ishte një mungesë respekti për Paulon. Vendimi është marrë. Takimi i sotëm ishte miqësor, i qartë dhe me respekt”. / abcnews.al
