Të gjitha kampionatet kryesore në Europë, por jo vetëm, janë pezulluar për shkak të Koronavirusit, duke bërë që kjo fundjavë të jetë e “mërzitshme” për të gjithë futbolldashësit. Në Turqi megjithatë, ndeshjet vazhdojnë të luhen, edhe pse pa tifozë.
Sot, zbritën në fushë dy ekipet gjigante turke, Galatasaray dhe Besiktas. Edhe pse kishte disa yje në fushën e lojës, golat munguan, kjo dhe për shkak të luftës së fortë sportive që të dyja skuadrat treguan në fushën e blertë.
Një tifoz anglez, ka bërë një postim në Twitter për këtë sfidë, që ka marrë një vëmendje të madhe. “Për herë të parë në jetën time, po prisja me padurim një ndeshje të kampionatit turk dhe Galatasaray e Besiktas barazuan 0-0 për herë të parë pas 8 vitesh. Kjo gjë nuk mund të shkruhet”, ishte komenti i tifozit./abcnews.al
First time in my life I was looking forward to the Turkish league game and Galatasaray and Besiktas drew 0-0 for the first time in 8 years. You can’t make this up lmao
— Aubazettes (@Aubazettes) March 15, 2020
