Liverpool është një nga 12 klubet që kanë konfirmuar pjesëmarrjen në European Super League, versioni i ri i Champions League që u krijua mbrëmjen e kaluar.
Kampionët e Anglisë kanë një ndër tifozeritë më të zjarrta në botë. Ndryshe nga drejtuesit e klubit të zemrës, këta të fundit janë kundër këtij kompeticioni dhe kanë ngritur zërin.
We, along with other groups involved in flags, will be removing our flags from The Kop. We feel we can no longer give our support to a club which puts financial greed above integrity of the game.
— Spion Kop 1906 (@SpionKop1906) April 19, 2021
“Spion Kop 1906”, grupimi i famshëm i tifozëve të “The Reds”, të cilët qëndrojnë në një nga tribunat pas porte të mitikut “Anfield”, nuk e kanë pritur aspak mirë vendimin e klubit të tyre.
“Ne, së bashku me grupimet e tjera, do t’i heqim flamujt nga The Kop. E ndjejmë që nuk mund të japim më mbështetjen tonë për një klub që vendos lakminë financiare mbi integritetin e lojës“, lexohet në postimin e tyre.
SHAME ON YOU FSG pic.twitter.com/O7CFY2BrPF
— Spion Kop 1906 (@SpionKop1906) April 19, 2021
Ndërkohë, pjesëtarë të këtij grupimi kanë nisur aksionin në qytetin e “The Beatles”. Inati i tyre ka prekur kulmin, teksa në një nga pankartat lexohet: turp të keni, u prehsh në paqe Liverpool 1892-2021. /abcnews.al
