Rafael Nadal ka njoftuar me një video mesazh të publikuar në rrejtët e tij sociale se është gati të rikthehet në garat e tenisit.
Ish-numri 1 i botës ka deklaruar se do të garojë sërish në turneun e Brisbane, i cili do të zhvillohet nga 31 dhjetori deri më 7 janar.
“Pëërshëndetje të gjithëvem pas një viti jashtë, ka ardhur koha të rikthehemi. Do të jetë në Brisbane, në javën e parë të janarit, shihemi atje.
Besoj se kam punuar mjaftueshëm në karrierën time sportive për të mos e mbyllur karrierën time në një konferencë shtypi. Do të përpiqem ta përfundoj karrierën time profesionale në mënyrën e duhur”, është shprehur Nadal.
Craig Tiley, drejtor i Australian Open, kishte siguruar tashmë se fituesi i edicionit 2022 do të kthehej në kohë për të marrë pjesë përsëri në Gran Slam e sezonit që do të zhvillohet nga data 14 deri më 28 janar, pikërisht në momentin e duhur për të pritur spanjollin të marrë raketën e tij në dorë./h.ll/abcnews.al
????? pic.twitter.com/iH7NvsQGMT
— Rafa Nadal (@RafaelNadal) December 1, 2023
