Sipas mediave italiane, Roberto Mancini nuk e ka pëlqyer aspak sjelljen e Stefano Sensit gjatë grumbullimit me kombëtaren, dhe mund ta lërë jashtë për ndeshjet e tetorit. Lojtari i Interit nuk luajti në fitoren e Italisë 5-0 ndaj Lituanisë për shkak të një dëmtimi.
Sensi më pas u rikthye tek zikaltërit ku postoi një foto në “Instagram” ku shkruante: “Ndihem mirë, nuk kam asgjë. Shihemi në stadium”.
Sipas “Calciomercato.com”, Mancinit nuk i ka pëlqyer sjellja e lojtarit të Interit dhe po mendon ta ndëshkojë duke e lënë jashtë kombëtares për ndeshjet që Italia luan në tetor. /abcnews.al/
