Zlatan Ibrahimovic do të largohet nga Los Angelos Galaxy me datë 31 dhjetor. Rinovimi me klubin kalifornian nuk do të ndodhë dhe sulmuesi i famshëm pritet të rikthehet në Evropë ose… të transferohet në Brazil.
Në garë për shërbimet e tij është futur edhe Flamengo. Nicolo Schira, gazetar i Gazzetta dello Sport, ka publikuar në rrjetet sociale lajmin. Kuqezinjtë kryesojnë kampionatin brazilian dhe do të përballen me River Plate në finalen e madhe të Kupës Libertadores, duel që zhvillohet me 23 nëntor në Santiago të Kilit.
Në Itali vazhdojnë të interesohen Napoli dhe Bologna për shërbimet e 38-vjeçarit. Ibra dëshiron rikthimin në Serie A, por nuk përjashtohet provimi i emocioneve të futbollit brazilian, aty ku do të formonte një dyshe super me Gabriel Barbosa. /abcnews.al
