Nëse lëngu i domates ju është derdhur në këmishën tuaj, e vërteta është se njollatnuk janë aspak të këndshme. Ndryshe nga njollat e tjera, domatja nuk hiqet lehtësisht nga pëlhura, përveç kësaj, aroma e saj e fortë shtohet ndërsa qëndron në një veshje.
Për fat të mirë, nëse ndiqni hapat e mëposhtëm, do të jeni në gjendje t’i hiqni këto njolla të vështira.
Hapat e detajuar:
- Hiqni sa më shumë salcë domatesh nga lecka. Provoni të përdorni një lugë ose një thikë gjalpi. Është një hap që nuk duhet ta humbisni përndryshe ka mundësi që njolla të përhapet.
- Hidhni ujë të ftohtë nga pjesa e pasme e njollës sa më shpejt të jetë e mundur. Uji do ta largojë njollën nga pëlhura. Mos e provoni me kokë poshtë sepse do të mund ta shtyni njollën më thellë në pëlhurë. Lëreni ujin të rrjedhë për 10-15 minuta.
- Hidhni pak detergjent të lëngshëm ose lëng për larjen e enëve mbi njollë. Fërkojeni lehtë me lëvizje rrethore, duke filluar nga jashtë dhe duke shkuar drejt qendrës së njollës. Lëreni për 10 minuta para se ta shpëlani mirë.
- Nëse rrobat janë të bardha, mund të vendosni një zbardhues të lehtë ose uthull të bardhë dhe ta fërkoni me një sfungjer. Mund të përdorni edhe lëng limoni. Shpëlajeni mirë.
- Pasi të keni shtuar zbardhuesin (ose uthull ose limon) shtoni një tjetër detergjent ose lëng për larjen e enëve dhe provoni këtë alternim derisa njolla të zhduket. Nëse pas disa përpjekjesh njolla vazhdon, përdorni një produkt të posaçëm për njollat në formë spraj ose xheli dhe lëreni të veprojë për 5 minuta.
- Pasi të keni bërë sa më sipër, lani rrobat rregullisht me detergjent. Para se ta thani, kontrolloni nëse njolla është zhdukur, pasi njollat që thahen me rrobat bëhen të përhershme.
- Nëse njolla nuk largohet, shtoni sërish detergjent dhe lërini rrobat të zhyten në ujë të nxehtë për 30 minuta. Shpëlajeni mirë dhe përsërisni procesin me spraj ose xhel./abcnews.al
