Pas largimit të papritur të teknikut Ruud van Nistelrooy, nga stoli i hollandezëve të PSV Eindhoven, për shkak të “mungesës së mbështetjes” nga bordi drejtues i klubit, këta të fundit kanë prezantuar ditën e sotme, teknikun e ri për 3 vitet e ardhshme.
Në krye të pankinës së Eindhoven tashmë ka mbërritur një tjetër “tulipan”, me 59-vjeçarin, Peter Bosz që u zyrtarizua ditën e sotme nga vetë klubi, zyrtarizim që e njoftuan me anë të një postimi në profilet e tyre zyrtare në rrjetet sociale.
Përgjatë karrierës së tij, Bosz është i njohur për drejtimin e skuadrave me emër në Hollandë e Gjermani, si Ajax, Borussia Dortmund e Bayer Leverkusen, ndërsa “aventura” e tij e fundit ishte te francezët e Lyon, nga ku u pushua në tetorin e vitit të shkuar.
Ndërkaq, kujtjomë se bordi kërkon që të përjetojë një tjetër sezon fantastik, teksa këtë vit fituan Superkupën e Hollandës, Kupën e Hollandës (KNVB Bekker), si dhe u renditën të 2-tët në kampionat duke siguruar kështu një “biletë” për në kualifikueset e UEFA Champions League. /i.m /abcnews.al
Njoftimi i klubit:
Our new head coach, Peter Bosz! ?⚪️ pic.twitter.com/tUGOFVQgcu
— PSV (@PSV) June 12, 2023
