Profesori Filip Haxhari në një intervistë në “ABC e Mëngjesit” në ABC News foli për mbjelljen e orizit, një iniciativë e ndërmarrë bashkë me Altin Prengën, nga “Mrizi i Zanave”.
Ai shpjegoi se ishte një përvojë e mirë edhe për vetë faktin se krijuan një shqiponjë në tokat e Zadrimës.
“Për mua ishte një përvojë e mirë. Nëpërmjet eksperiencës së Altinit unë vij me gëzim të madh në Shqipëri dhe mund të kryej studimet e mia në lidhje me zhvillimin e kësaj kulture. Por në Shqipëri nuk ka gjetur mbështetje apo përkrahje, Por me përvojë dhe eksperiencë mund të prekim zemrat e tyre që duan të bëjnë të njëjtën gjë”, tregoi ai.
Nga ana e tij Altin Prenga gjatë kësaj interviste në “ABC News” tregoi se janë të gjitha mundësitë për të kultivuar orizin në vendin tonë.
“Dëshira jonë për të mbjellë orizin është e madhe, pasi thuajse orizi është shumë i përdorur, por çuditërisht ne jemi një vend që nuk e kultivojmë. Edhe pse kemi terrenin perfekt për ta mbjellë. Pra i kemi të gjitha mundësitë, por kjo është shumë paradoks për mua. Ne vitin e kaluar nuk ja dolëm ta kultivonim mirë, dhe këtë vit vendosën të punonim akoma më fort. Shpresoj që profesor Filipi bashkë me ministren të gjejnë një zgjidhje. Puna më e madhe e orizit është nivelimi i tokës dhe nuk është aspak e vështirë dhe duhet vetëm ujë. Pra është shumë fitimprurëse dhe ka të njëjtat kosto punimi sikur drithërat e zakonshëm”, tha më tej ai.
/abcnews.al/
