Loading ...
Duket se ritmi është ai i kohëve të arta. Reali besohet pati nevojë për ndryshimin në stol, me ardhjen e energjikut dhe personazhit të ri Shabi Alonso, në vend të lavdisë së vjetër me emrin Karlo Ançeloti.
Ndeshja e radhës në La Ligë e vërtetoi më së miri se madrilenët janë në formë të shkëlqyer, pavarësisht ndonjë shkëndije të brendshme, si rasti Vinisius.
Ishte pikërisht sulmuesi brazilian që shënoi golin e parë në fitoren e madhe 4-1 në fushën e Levantes, sukses që duket krejt I rëndomtë kur në fushë janë yje të tillë.
Për lumturinë e tifozëve “merenges”, argjentinasi I ri Mastantuono realizoi golin e parë zyrtar me fanelën e Realit, ndërsa Kilian Mbape u tregua sërish madhështor.
Sulmuesi I Francës realizoi dy gola, dhe jo më kot është fitues i Këpucës së Artë të Europës sezonin e kaluar.
Gjithashtu, duket se po kthehet anglezi Xhud Belingham. E përditshmja “Marka” e ka mendjen menjëherë tek fundjava që vjen: Të gatshëm për derbin! Madridi ka “en plein” me fitoret! Dygolësh nga Mbape!
“Vini rikthehet të shkëlqejë, – titullon gazeta tjetër e kryeqytetit “AS”, – braziliani shënon gol të madh dhe firmos ndeshjen më të mirë të sezonit!” Derbi ndaj Atletikos në “Uanda Metropolitano” do të jetë të shtunën pasdite, dhe pritet një sfidë tepër e vështirë, ndonëse skuadra e trajnerit Shabi Alonso deri tani ka bindur qind për qind. Reali kryeson La Ligën me 18 pikë të plota, ndërsa Barcelona ka 13, por me një ndeshje më pak.
