Real Madrid po bëhet gati për largimin e Sergio Ramos dhe në skedarët e tyre ka përfunduar David Carmo. Mbrojtësi i Bragas mësohet të jetë i zgjedhuri për të zëvendësuar kapitenin, që në verë pritet të kalojë në Paris ose Mançester.
Alaba duket shumë i shtrenjtë për kërkesat e tij dhe mosha 29-vjeçare e tij nuk jep shumë garanci. AS mëson se Real Madrid kërkon me ngulm Carmo, i cili ka një klauzolë lirimi prej 40 milionësh nga Braga.
Raportimet e mëparshme kanë zbuluar se edhe Liverpool është interesuar për mbrojtësin portugez, por marrëveshja me Bragan nuk u arrit në merkaton e dimrit. 21-vjeçari ka luajtur deri më tani 21 ndeshje me Bragan, teksa aktualisht po trajtohet pas një dëmtimi në kavilje. /abcnews.al
