SPAL ka njoftuar ditën e sotme se një lojtar që nuk ishte me ekipin ndeshjen e fundit ka dalë pozitiv me COVID-19. Emri i tij nuk zbulohet, por theksohet se ai është izoluar sipas udhëzimeve të autoriteteve shëndetësore.
“Seria e fundit e testimeve nxori në pah një rast pozitiv me COVID-19 në grupin e lojtarëve. Ai ishte i pranishëm në ndeshjen në transfertë kundër Empolit. Lojtari nuk ka simptoma dhe është izoluar menjëherë, sipas direktivave të autoriteteve.
I gjithë ekipi ka bërë testet të tjera dhe rezultatet do të dalin pasdite”, shkruhet mes të tjerash në njoftimin e klubit italian. Sikurse kuptohet, edhe portieri i kombëtares shqiptare, Etrit Berisha, është testuar dhe pret përgjigjen e tamponit sot pasdite. /abcnews.al
