Një limon ngjyrë kafe, i cili besohet të jetë 285 vjeç, u shit në një ankand në Britaninë e Madhe për 1,416 paund, ose pak më shumë se 1,600 euro.
Shtëpia e ankandeve “Brettells Auctions” thotë se limonin e kanë gjetur krejt rastësisht, brenda një kabineti të vjetër të shekullit të 19-të që është fotografuar për shitje.
Kabineti u soll nga familja duke pretenduar se i përkiste xhaxhait të ndjerë, dhe brenda kabinetit ishte fshehur një limon me këto fjalë të shkruara mbi të: “Duke dhënë nga zoti P Lu Franchini më 4 nëntor 1739 zonjushës E Baxter.”
“Ne menduam se mund të argëtoheshim pak, kështu që e vendosëm limonin në ankand me një vlerësim prej 40 deri në 60 £”, tha drejtuesi i ankandit David Brettel, i cili u befasua kur limoni përfundoi duke u shitur për 1416 £.
Nga ana tjetër, një pjatancë e shekullit të 19-të u shit për rreth 32 paund dhe sipas British Sun, pjatanca besohet se është sjellë në Angli nga India koloniale si një dhuratë romantike./abcnews.al
