Achraf Hakimi është shumë afër transferimit te PSG. Klubi francez ka gjetur akordin me 22-vjeçarin maroken dhe po punon për të bindur drejtuesit e Interit, që duan 80 milion euro për ta lënë të lirë “raketën” e krahut të djathtë.
Kampionët e Italisë nuk kanë humbur kohë dhe kanë nisur nga puna për të gjetur pasuesin e një prej lojtarëve më të rëndësishëm të skuadrës. Zikaltrit kanë piketuar Emerson Royal sipas raportimeve të Gianluca Di Marzio.
22-vjeçari brazilian është pjesë e Barcelonës, por në dy sezonet e fundit ka luajtur i huazuar te Real Betis. Interi e pëlqen shumë lojtarin latin, i cili mund të zbarkojë nën urdhrat e Simone Inzaghit për shumën e 20-25 milion eurove. /abcnews.al
