Nis grumbullimi i qytetarëve në shesh: Blindohet kryeministria, forca të shumta policore përreth godinës

Ndërsa pak çaste na ndajnë nga nisja e protestës së opozitës, kryeministria duket se është blinduar nga forca të shumta policore. Nga pamjet e sjella nga terreni nga gazetarja Xhensila Kodra, një numër i madh automjetesh dhe efektivësh mund të shihen përgjatë gjithë perimetrit të kryeministrisë.

Ndërkohë në Bulevard ka nisur prej orësh tashmë grumbullimi i njerëzve.

Kujtojmë se blindimi i kryeministrisë ka nisur që ditën e djeshme kur u hoq edhe kërpudha që ndodhet në oborrin e godinës. Kryeministri vetë nuk ndodhet sot në Tiranë pasi aktualisht është në qytetin e Vlorës ku inaugurohet Bypassi. /abcnews.al/