“ABC LIVE” është programi më i ri, dedikuar krejtësisht informacionit në “ABC”. Një program prej 180 minutash nga Juli Xhokaxhi, që do të startojë në orën 11.00 nga e hëna në të premte. Ngjarjet kryesore të 24 orëve do të kalojnë ne sitën e analistëve, protagonistëve dhe ekspertëve.
Fokusi do te jete tek gjithë çfarë ndodh në kohë reale. Lidhje të drejtpërdrejta nga çdo kënd i Shqipërisë. Rubrika, që do të trajtojnë probleme, fenomene të ndryshme të shoqërisë. Rubrika që do të vlejnë për informacion jetik për qytetarët. ” Pro- Kundër” do të jetë rubrikë e dedikuar ngjarjeve të aktualitetit, zhvillimeve sociale.
” Argumenti” do të sjellë çdo dite panele gazetarësh, zyrtarësh, ekspertësh për çështje të ndryshme, përfshirë politikën. ” Të drejta njerëzore” është një rubrikë informuese për qytetarët, të cilët hasin vështirësi për probleme të ndryshme.
“Mendime te reja” është një tjetër rubrikë, që hap dyert për të rinjtë, apo edhe njerëz të profesioneve të ndryshme, që duan të japin gjykimin e tyre për çështje të ndryshme. Natyrisht nuk mungon ” Intervista” që sjell çdo ditë personazhe të ndryshëm. ” Copëza të vërtetash ” është një tjetër rubrikë me karakter kryesisht historik, që sjell fakte e detaje për momente pikante e vendimtare të historisë tonë./Abcnews.al
