Detaje tronditëse kanë dalë nga dritë nga ngjarja që ndodhi në fshatin Brataj të Selenicës, ku 38-vjeçari Vitrin Çobaj mbajti peng për rreth katër orë anëtarët e një familjeje. Kryeplaku i fshatit, Qemal Malaj tregoi se vajza e dytë e familjes i shpëtoi nga duart autorit dhe ka kërkuar ndihmë te bashkëfshatarët.
Vajza, në një prononcim për mediat, ka rrëfyer tmerrin që ka përjetuar. Ajo thekson se e ka kërcënuar dhe se e ka dhunuar. “Erdhi në shtëpi dhe më mori për bluzë dhe më çoi në një kasolle bagëtish. Dhe pastaj ushtroi dhunë. Jam shumë e trembur. Ia tregova të vërtetën policisë, të gjitha ata që kanë ndodhur.
Më ka kërcënuar me thikë në grykë. Uroj që ai zotëria të dënohet njëherë dhe përgjithmonë”, ka rrëfyer vajza. Ndërkohë, në dëshminë që ka dhënë kryeplaku i fshatit, lidhur me dyshimin se nëse ai ka abuzuar seksualisht me të miturën është shprehur se ajo në fillim e ka mohuar një diçka të tillë para policisë.
Por më vonë ajo i ka thënë të atit se ai e kishte përdhunuar dhe se ka bërë me të gjëra të turpshme që nuk ia tregonte dot babait. /abcnews.al
