Humbje me përmbysje, për Vejle BK në Danimarkë dhe Menemenspor në Turqi. Në fushë nuk ishte vetëm Arlind Ajeti, i cili e nisi nga stoli përballjen që skuadra e tij luajti me Koge. Arbnor Muçoli dhe Ylber Ramadani ishin titullarë.
Vejle BK shënoi e para, por vendasit më pas realizuan dy herë dhe i shkaktuan një humbje që nuk duhej skuadrës së shqiptarëve. Gjithsesi ata mbeten në krye të klasifikimit, me pesë pikë më shumë se ndjekësi më i afërt.
Në Turqi, portieri Gentian Selmani dhe mbrojtësi David Domgjonin e nisën nga fillimi përballjen që Menemenspor e humbi me përmbysje kundër Keciorengucu, me rezultatin e ngushtë 2-1. /abcnews.al
