Loading ...
Juventus ka ditën e sotme përballjen e tretë me drejtësinë italiane, me Prokurorin e Gjykatës Federale, Giuseppe Chine, i cili ka kërkuar që “bardhezinjve” t’i hiqen plot 11 pikë nga renditja, si dhe 8 muaj pezullim për drejtuesit dhe anëtarët e përfshirë në parregullsitë e bilanceve të klubit.
Mirëpo, sipas mediave italiane, ky nuk është ndëshkimi më i keq, me klubin që rrezikon seriozisht zbritjen në Serie B, të paktën kështu raportohet nga gazetarët italianë dhe kontakteve të cilët ata kanë.
“Juventusi duhet të bëjë një ndryshim rrënjësor, duke filluar që nga drejtuesit e deri te magazineri i klubit. Është një vit që duhet harruar, për më tepër ekziston edhe mundësia që klubi të dënohet me zbritje në Serinë B. Është një hipotezë e mundshme”,- thuhet në mediat italiane ditën e sotme.
Ndërkaq, kujtojmë se një ndëshkim të tillë e ka këruar dhe Prokurori Chine, por në atë rast kërkohej ndëshkimi për rregullsitë e bëra nga “bardhezinjtë” në bilancet e pagave gjatë periudhës së shpërthimit të pandemisë, por për këtë do të zhvillohet një tjetër seancë gjyqësore. /i.m /abcnews.al
