Projekti i Europuan Super League (ESL) shkaktoi shumë polemika në mbarë Europën, çka u shoqërua dhe me pakënaqësi nga ana e tifozëve. Shumë figura të futbollit apo dhe të politikës dolën kundër kësaj ideje, por duhet përmendur lufta që po bënë Garry Neville dhe Jamie Carragher.
Dy legjendat e Manchester United dhe Liverpool, aktualisht analistë sportivë në studiot e “Sky Sport”, ishin që në fillim kundër Super League dhe nxitën protestat në ishullin britanik. Falë ngritjes së zërit nga ana e tyre e më pas protestave të tifozëve, klubet britanike që ishin në projekt u tërhoqën.
Someone get Jamie Carragher and Gary Neville a Knighthood #SayNoToEuropeanSuperLeague
— ror (@rortayl0r) April 19, 2021
Një betejë e fituar nga dyshja Neville-Carrgher, të cilën ata e pranuan mbrëmjen e djeshme. Tashmë është radha e tifozëve t’ia kthejnë atyre reston dhe ata kanë nisur një kërkesë që po përhapet gjithmonë e më shumë në rrjetet sociale. Tifozët kërkojnë që dy analistëve t’u jepet titulli i kalorësit, një nderim shumë i lartë që bëhet në Mbretërinë e Bashkuar. /abcnews.al
