Benjamin Netanyahu ka akuzuar grupet e të drejtave të njeriut se kanë mbyllur një sy ndaj përdhunimeve që Izraeli thotë se janë kryer nga Hamasi gjatë masakrës së 7 tetorit.
Duke folur në një konferencë për shtyp, kryeministri izraelit akuzoi komunitetin ndërkombëtar për minimizimin e sulmeve dhe madje edhe injorimin e tyre, shkruan Sky News.
Ai tha se pret që “të gjithë udhëheqësit e civilizuar, qeveritë, kombet të flasin kundër kësaj mizorie”.
“Unë u them organizatave të të drejtave të grave, organizatave të të drejtave të njeriut, ju keni dëgjuar për përdhunimin e grave izraelite, mizoritë e tmerrshme, gjymtimin seksual – ku dreqin jeni?” tha Netanyahu.
Presidenti amerikan. Joe Biden i quajti raportet e dhunës seksuale “të tmerrshme” dhe i kërkoi botës të dënojë “rrëfimet e tmerrshme të mizorisë së paimagjinueshme”./abcnews.al
