Komisioni Hetimor për shkarkimin e presidentit Ilir Meta do të mblidhet për herë të parë ditën e nesërme në orën 11:00 të paradites. Mbledhja do të zhvillohet në ambientet e kryesisë së Kuvendit me prezencën e anëtarëve të këtij komisioni i cili u miratua sot në parlament.
“Nesër, më datë 08.05.2021, ora 11:00, do të zhvillohet mbledhja e parë e Komisionit të posaçëm Hetimor parlamentar “Për hetimin e shkeljeve të rënda kushtetuese nga Presidenti i Republikës së Shqipërisë”. Takimi do të zhvillohet në ambientet e Kryesisë së Kuvendit, me prezencën e anëtarëve të komisionit”, thuhet në njoftim.
Me 97 vota, 6 kundër dhe 1 abstenim, Kuvendi ka miratuar ngritjen e Komisionit Hetimor për shkarkimin e Presidentit Ilir Meta.
Komisioni Hetimor që do shqyrtojë kërkesën e 49 deputetëve të mazhorancës për shkarkimin e Metës, me pretendimet se ky i fundit ka kryer shkelje të rënda Kushtetuese./mv.abcnews.al
