Trajneri i Real Madrid, Zinedine Zidane, ka folur për të ardhmen e tij në konferencën e zakonshme për shtyp përpara transfertës së Huescës. Madrilenët vijnë në këtë sfidë pas një serie rezultatesh jo të mira, por francezi kërkon më shumë respekt për ekipin dhe për veten e tij.
“E ardhmja? Unë nuk e di se çfarë do të ndodhë. Ne e meritojmë ta përfundojmë sezonin me këtë skuadër. Ka shumë zëra për ndryshimin e trajnerit e kështu me radhë. Seriozisht po më kërkoni që unë të largohem? Ne fituam kampionatin vitin e kaluar. Tregoni pak më shumë respekt. Ju gazetarët flisni shumë, por nuk mbani përgjegjësi për atë që thoni”, deklaron francezi.
“Nëse keni diçka ma thoni në fytyrë. Nuk e di, por unë jam një njeri me fat. Nëse njerëzit duan që unë të largohem, nuk do ta bëj diçka të tillë. Është e vërtetë që nuk po kalojmë momentin tonë më të mirë, por jemi të vendosur ta ndryshojmë situatën, “ përfundon fjalën e tij Zidane. /abcnews.al
