Hulumtimet e fundit kanë treguar se mënyra se si flini mund të rrisë ndjeshëm rrezikun e goditjes në tru, jo pak, por deri në 85 për qind. Gjumi i gjatë dhe dremitjet gjatë ditës mund të rrisin ndjeshëm rrezikun e goditjes në tru, thonë ekspertët.
Një studim i vitit 2019 i botuar në revistën Neurology analizoi lidhjen midis rrezikut të gjumit dhe goditjes në tru. Më shumë se 31,000 pensionistë u ndoqën për gjashtë vjet dhe atyre iu kërkua që të plotësonin pyetësorët në lidhje me zakonet e tyre të gjumit.
Më shumë se 1500 pjesëmarrës pësuan një goditje në tru. Studimi zbuloi se ka dy faktorë që kanë ndihmuar në rritjen e rrezikut të goditjes në tru: dremitjet e gjata dhe gjumi i gjatë. Njerëzit që flinin më shumë se 9 orë dhe bënin më shumë se 90 minuta gjumë pasdite kishin 85 % më shumë gjasa për një goditje në tru.
Sa i përket gjumit të natës, njerëzit që flinin nëntë ose më shumë orë gjatë natës kishin 23 për qind më shumë gjasa të pësonin goditje në tru sesa ata që flinin jo më shumë se tetë orë në natë. /abcnews.al
