Feng shui është një filozofi popullore kineze që thekson hapësirën dhe rregullimin e objekteve në shtëpi, sepse besohet se ndikon në rrjedhën e energjisë, mirëqenien dhe harmoninë. Çelësi i kësaj filozofie është se duhet të keni pesë elementë natyrorë në shtëpi – ujë, metal, zjarr, dru, tokë – për të balancuar energjinë tuaj.
Për të pasur një energji pozitive në shtëpinë tuaj dhe për të tërhequr bollëkun dhe mirëqenien ekonomike, ekzistojnë disa “rregulla”.
Rrjedha e ujit
Nëse tubat janë plasaritur ose rubineti po rrjedh, duhet ta rregulloni menjëherë. Besohet se nëse uji rrjedh për shkak të një dëmtimi, kjo simbolizon daljen e parave nga shtëpia juaj.
Bimët
Bimët kanë një rëndësi të madhe në filozofinë e feng shui. Ato janë dekorative, kanë një efekt qetësues, pastrojnë ajrin dhe sjellin freski. Ka disa bimë që konsiderohen se tërheqin para, por nuk duhet të mbani kurrë lule të thata, të vyshkura apo artificiale në shtëpinë tuaj.
Ngjyrat
Ngjyrat që tërheqin më shumë bollëk se të tjerat janë jeshilja, vjollcë dhe e kuqe. Por as me to nuk duhet ta teproni: për shembull, nëse e teproni me të kuqen, mund ta forconi shumë elementin e zjarrit në shtëpi dhe kjo mund të shkaktojë konflikte dhe zënka.
Kuzhina
Është shumë e rëndësishme që kuzhina juaj të jetë gjithmonë e pastër dhe e rregullt. Rregulloni erëzat, hiqni nga frigoriferi të gjitha ushqimet e panevojshme dhe ato që kanë skaduar. Pastroni sobën dhe pllakën e kuzhinës nga njollat dhe fshini pluhurin nga elementët e kuzhinës.
Largimi i gjërave të panevojshme
Në mënyrë që energjia pozitive të rrjedhë nëpër shtëpinë tuaj, ajo duhet të jetë e lirë, pa gjëra të panevojshme që nuk i përdorni. Gjërat e thyera, të prishura, pajisjet e prishura sjellin energji të keqe. /abcnews.al
