Kur zgjedh një bashkëshort, është shumë e rëndësishme se me çfarë profesioni merret. Kjo pasi përqindja e divorcit është shumë më e lartë në disa profesione. Një avokate postoi një video interesante në Tik Tok në të cilën shpjegoi pse burrat që bëjnë punë me shumë përgjegjësi janë një zgjedhje e keqe për martesë.
Sipas saj, meshkujt që duhet të shmangni kanë këto profesione: zjarrfikës, punonjës policie, ushtarë, kirurgë dhe pilotë. “Kur fillova të merresha me familjen 13 vite më parë, një avokat më dha statistika për pesë profesionet më të këqija për mbijetesën e martesës”, thotë ajo.
Ajo në fillim mendoi se ishte një statistikë e çuditshme, e cila nuk ka lidhje me praktikën, por gjatë karrierës së saj ishte e bindur për të kundërtën. “Kam vëzhguar rastet e mia më të vështira dhe, çuditërisht, shumë prej tyre përfshinin burra në këto pesë profesione” – vazhdoi ajo.
Statistikat mund t’ju tregojnë përqindjen e martesave që dështojnë, por kjo nuk do të thotë se do të jetë e njëjta gjë për ju. Statistikat shikojnë vetëm numrat, ato nuk mund të zbulojnë absolutisht asgjë specifike për ju dhe martesën tuaj. /abcnews.al
