Një 32-vjeçar është arrestuar këtë të diel në Elbasan, pasi dyshohet se ka ushtruar dhunë ndaj prindërve të tij.
Sipas uniformave blu, 32-vjeçari ishte në masën e sigurisë “arrest shtëpie”.
“Specialistët për Hetimin e Krimeve të Komisariatit të Policisë Elbasan arrestuan në flagrancë 32-vjeçarin, banues në fshatin Shushicë, pasi ka ushtruar dhunë ndaj prindërve të tij dhe ka dëmtuar orenditë shtëpiake, ndërkohë që ishte me masë sigurie “Arrest në shtëpi”, të caktuar nga Gjykata e Elbasanit, për veprat penale “Shkatërrimi i pronës” dhe “Prodhimi dhe shitja e narkotikëve””, thuhet në njoftimin e policisë.
