Operacioni Forca e Ligjit u ka dërguar formularin pesë personave, 4 në Durrës dhe një në Tiranë.
Mësohet se një prej tyre është Gentian Malindi, i cili është nën hetim për veprat penale “Trafikimi i narkotikëve” dhe ‘Grupi i strukturuar kriminal”.
Biznesmeni Malindi është në kërkim pasi dyshohet si pritësi i 137 kilogramëve kokainë që u bllokua në Portin e Durrës vitin e kaluar, e cila vinte nga Ekuadori. Malindi është biznesmen në fushën e peshkimit.
LEXO EDHE: Atentat Dash Gjokës, OFL i çon formularin vëllezërve nga Shijaku
Malindi, është djali i avokatit Ilir Malindi. Emri i rij është bërë i njohur për drejtësinë edhe më herët.
Më 8 qershor të 2013 ai është arrestuar nga policia pasi u kap me 500 kg drogë të llojit kanabis sativa, por më vonë gjykata e liroi. Droga u kap nga policia në zonën e Plazhit, e fshehur në furgon tip “Benz Mercedez”, me targë AA 938 AE, e cila kishte si destiancion Italinë. /abcnews.al
