Prindër, gjyshe, e gjyshër marshuan këtë 1 qershor nga sheshi “Skënderbej” në Tiranë tek ai “Nënë Tereza” në mbrojtje të familjes.
Në këtë formë ata kundërshtojnë projektligjin për shëndetin seksual dhe riprodhues që pas konsultimit publik pritet të kalojë për diskutim në Parlament. Surrogacia apo bërja nënë duke përdorur mitrën e një gruaje tjetër, ndërprerja e shtatzënisë në moshën 16-vjeçare edhe pa dijeninë e prindit dhe sterilizimit i të rinjve sipas tyre çojnë familjen drejt zhdukjes.
Marshimi u organizua nga Koalicioni Pro Familjes dhe Jetës i cili ka nisur dhe mbledhjen e firmave për ti kërkuar Kuvendit revokimin e projektligjit
Projektligji për shëndetin seksual dhe riprodhues ka përfshirë në debat, qytetarë, mjekë e përfaqësues të besimeve fetare. Këta të fundit janë bërë bashkë kundër tij.
/abcnews.al
