I patën përballë dhe u eliminuan me zemër të thyer.
Padyshim që për momentin emri më i urryer për tifozët gjermanë është ai i Spanjës, veçse siç thotë populli, “të rrimë shtrembër, e të flasim drejt”.
Shumica e tifozëve gjermanë sërish mendojnë se do të jetë Spanja kampionia e re e Evropës.
Kështu del të paktën nga një sondazh në faqen zyrtare të Bundesliga, ku njerëzit u pyetën se cili ekip e fiton Evropianin, nga katër gjysmëfinalistët.
Spanja ka marrë 60 për qind të mbi 315 000 pjesëmarrësve në sondazh, duke qenë shumë e shkëputur nga skuadrat e tjera.
Franca është në vendin e dytë me 14 për qind, ndërsa Anglia dhe Holanda kanë marrë nga 13 për qind të preferencave.
Spanja arriti gjysmëfinalen duke mundur 2-1 Gjermaninë një ndeshje më parë, në atë që u cilësua si “finalja e parakohshme” e Kampionatit Evropian.
Dani Olmo dhe Merino shënuan për “Furitë e Kuqe” dhe Wirtz barazoi përkohësisht për gjermanët, ndërsa polemikat ishin të forta për një penallti të padhënë për vendasit kur mbrojtësi Kukureja e preku topin me dorë në zonë.
Gjysmëfinalet janë mes Spanjës e Francës këtë të martë, dhe Holandës e Anglisë të mërkurën. /i.m /abcnews.al