Kjo është një fermë gomaricash. Është ndër të paktat në Shqipëri dhe është ngritur me shumë mund dhe përkushtim nga Pëllumb Çako, në fshatin Kopaçëz të Sarandës.
Në fermën e tij ai rrit 39 gomarica. Secila mban një emër që Çako ua ka vendosur në bazë të karakteristikave që ato kanë.
44-vjeçari nga Saranda tregon se idea për fermën e gomaricave i lindi 12 vite në përpjekje për të celur një biznes që do t’i siguronte të ardhura për jetesën.
Fillimet nuk kanë qënë të lehta. As Çako dhe as familjarët e tij nuk kishin informacion për mbarshtimin e gomaricave.
Vitët e para shpenzimet ishin shumë më të larta se fitimet. Në shumë raste qumështin e shpërndanin falas për t’ju dhënë mundësi njërëzve të njiheshin me vlerat e tij.
Krahas fermës ka ngritur edhe një punishte ku bëhet përpunimi dhe pasterizimi i qumështit.
44-vjeçari nga Saranda tregon se konsumi i qumështit të gomaricave ka disa efekte pozitive në shëndet.
Sot pas 11 vitesh Çako thotë se investimi dhe sakrifica e gjithë familjes së tij ja ka vlejtur.
Perveç se si biznes ferma e gomaricave në fshatin Kopaçëz funksionon edhe si agroturizëm duke tërhequr vëmendjen e vizitorëve, atyre vendas dhe të huaj./abcnews.al
