Pas fillimit të sezonit me disa vështirësi, mesfushori brazilian, Casemiro ka marrë rolin e titullarit absolut në mesfushën e “Djajve të Kuq”.
Kujtojmë që mesfushori kaloi te skuadra angleze gjatë merkatos së verës që lam pas nga Real Madridi, një lëvizje që pak e prisnin.
Në ndeshjet e fundit të Manchester United, Casemiro ka treguar nivelin e tij më të mirë duke heshtur të gjithë kritikët.
Në lidhje me formën e tij ka folur edhe tekniku, Erik ten Hag, i cili nuk ka ngurruar të thurë elozhe për mesfushorin e tij.
“Ne e dimë se ai është një lojtar i madh,” tha holandezi për ’ITV’.
“Në atë mesfushë në Madrid, me Kroos dhe Modric, ishte i mrekullueshëm. Ne shohim se ai bën mirë edhe në fazën sulmuese. Ajo që më pëlqen është futbolli dinamik me variacione, me shumë ndërrime pozicionesh.
Ne duhet ta bëjmë kundërshtarin të mendojë në mënyrë që të përfitojmë prej tij”, përfundoi trajneri./abcnews.al
