Para pak ditësh revista prestigjioze France Football publikoi tre formacionet më të mirë në histori, të shpallur nga votat e 140 gazetarëve në mbarë botën.
Për të futur më të mirët e historisë kurrsesi nuk mjaftojnë tre formacione, por një nga elementet që ra më shumë në sy ishte fakti se asnjëri prej këtyre 33 lojtarëve nuk ishte nga Afrika.
Ky fakt ka inatosur jo pak një nga më të mirët e historisë nga Afrika, Samuel Eto’o. Si gjithmonë ai nuk rezervohet kur ka diçka për të thënë dhe të njëjtën gjë ka bërë edhe në këtë rast.
Në Twitter në një postim ku janë shfaqur tre formacionet më të mirë, Eto’o ka shkruar: “Në afrikanët nuk ekzistojmë”. Nga Afrika gjatë të shkuarës ka spikatur George Weah.
Ky reagim vjen pas të tjerash polemika të Eto’o me France Football. Në nominimet e shpallura France Football e vendosi në listën e sulmuesve të djathtë kamerunasin dhe ai e quajti të papranueshëm këtë veprim. Shumicën e kohës Eto’o ka luajtur si qendërsulmues. /abcnews.al
