Ndryshimet klimatike, Zelanda e Re shpall gjendjen e alarmit

schedule12:28 - 2 Dhjetor, 2020

schedule 12:28 - 2 Dhjetor, 2020

Shumica e deputetëve mbështetën lëvizjen e Kryeministres Jacinda Ardern, e cila lejon vendin të bashkohet me 32 vende të tjera në njohjen zyrtare të krizës globale të klimës. Ardern premtoi se do të bëntë të pamundurën për të ulur mbeturinat dhe emetimet.

“Sektori publik duhet të jetë dhe do të jetë një shembull që përcakton standardin që të gjithë duhet të arrijmë deri në 2050”, shtoi ajo.

Sipas programit, qeveria do të përqendrohet menjëherë në heqjen e kaldajave më të mëdha dhe më aktive të qymyrit, do të kërkojë nga agjencitë qeveritare të blejnë automjete elektrike dhe të zvogëlojnë madhësinë e flotës së tyre të makinave dhe të urdhërojë një standard të gjelbër për ndërtesat e sektorit publik, sipas RNZ.

“Kjo politikë, së bashku me deklaratën e sotme të emergjencës klimatike, shërben si mesazh për sektorin publik për të rregulluar shtëpinë tonë. Gjithashtu, kjo është një thirrje për veprim për sektorin privat dhe është kaq bukur  të shohësh shembuj të bizneseve që ndërmarrin hapa për të ulur emetimet e tyre”, tha Ardern.

Ardern muajin e kaluar fitoi mandatin e dytë, duke fituar mbështetje nga përgjigja e saj vendimtare ndaj shpërthimit të koronavirusit të ri ( COVID-19) në vend, e cila llogaritet si një ndër   më të mirat në botë.

Në mandatin e saj të mëparshëm, qeveria e Ardern miratoi një projektligj “zero karbon”, që përcakton kornizën për zero emetime deri në vitin 2050./abcnews.al