Bota po përballet me një shpërthim të ri kolere, pas vitesh recesioni, pasi sëmundja “ushqehet” edhe nga ndryshimet klimatike. Aktualisht epidemitë janë regjistruar në 23 vende dhe 20 vende të tjera fqinje janë në rrezikut.
Epidemia që shpërtheu në Mars 2022 në Malavi, ka shkaktuar vdekjen e 1210 personave, ndërsa janë identifikuar pothuajse 36950 raste. Ky shpërthim kolere është më vdekjeprurësi i regjistruar ndonjëherë në këtë vend të varfër të Afrikës Jugore, ku 968 njerëz vdiqën nga sëmundja në 2001-2002, tha OBSH.
Kolera ka qenë endemike në Malavi që nga viti 1998, me shpërthime që ndodhin gjatë periudhave të reshjeve të mëdha (nga nëntori deri në maj), por shpërthimi aktual ka vazhduar deri në sezonin e thatë, sipas buletinit të fundit epidemiologjik të OBSH-së.
Faktorë të rëndësishëm në përhapjen e kolerës janë mbipopullimi, kushtet e këqija të jetesës, mungesa e ujit, cilësia e dobët e ujit, mosrespektimi i rregullave të higjienës dhe mungesa e infrastrukturës për menaxhimin e mbetjeve. Ndryshimet klimatike gjithashtu kontribuojnë në këta faktorë.
Henry Grey, kreu i kontrollit të sëmundjeve të Organizatës Botërore të Shëndetësisë, ia atribuon rritjen e rasteve varfërisë, ndryshimeve klimatike dhe lëvizjeve të popullsisë. Lëvizja e shtuar e njerëzve është edhe për shkak të krizave klimatike, si thatësira e madhe dhe përmbytjet.
Grey thekson se ndryshimi i klimës mund t’i bëjë më të shpeshta shpërthimet e kolerës, pasi bakteret që shkaktojnë sëmundjen mund të riprodhohen më shpejt në ujë të ngrohtë.
Sipas Organizatës Botërore të Shëndetësisë, fushatat e vaksinimit përballen me pengesa serioze. Që nga fillimi i vitit, 24 vende kanë regjistruar shpërthime të kolerës. Vitin e kaluar, nga mesi i majit, ishin raportuar probleme në 15 shtete.
Ndërsa shpërthimi i Malawi-t u përhap përtej kufijve të tij në Zambi dhe Mozambik, qindra mijëra njerëz në Pakistan raportuan simptoma të kolerës në mes të një sezoni musonesh që la një të tretën e vendit nën ujë. Në Nigeri, rastet u rritën pasi një milion njerëz u zhvendosën nga përmbytjet ekstreme në 2022.
Epidemiologu Andrew Azman i Universitetit Johns Hopkins, i specializuar në kërkimin e kolerës, tha se “ne e dimë se kolera është sezonale në pjesën më të madhe të botës, por korrelacionet midis reshjeve, thatësirës, përmbytjeve dhe kolerës nuk janë vërtet të qarta. Në disa vende, reshjet rrisin rrezikun e kolerës. Në disa vende ka më pak reshje.”
